Swyddi gwag presennol

Cyfleoedd recriwtio yn Cymwysterau Cymru.

Caiff ein holl swyddi gwag eu hysbysebu yma ac ar Twitter. Gofynnwn yn garedig i chi beidio ag anfon CV's ar hap oherwydd nad oes modd i ni eu cadw ar ffeil.  

Ar hyn o bryd mae pob gweithiwr yn gweithio gartref yn unol â chanllawiau'r Llywodraeth.

Ar hyn o bryd, rydym yn treialu gweithio hybrid. Mae hyn yn cynnwys gweithio gartref gyda chyfle i gadw desg i weithio yn y swyddfa ar nifer o ddyddiau bob wythnos. Bydd y treial hwn, ac adborth gan weithwyr, yn llywio ein cynlluniau ar gyfer ffordd o weithio yn y dyfodol a fydd, rydyn ni’n tybio, yn dechrau yn 2022. 

Cynorthwyydd Cymwysterau        

Mae gennym ddau gyfle ar gael, un dros gyfnod mamolaeth am 6 mis ac un swydd wag barhaol, mae'r ddau yn llawn amser ond anogir ceisiadau gan y rhai sydd â diddordeb mewn gweithio hyblyg, gan gynnwys patrymau gwaith Rhan-amser a thymor.

Prif ddiben y rôl yw cefnogi rheolwyr a swyddogion i sicrhau bod cymwysterau a'r system gymwysterau yng Nghymru yn effeithiol o ran diwallu anghenion dysgwyr - ac atgyfnerthu'r gwaith o ennyn hyder y cyhoedd yn y ddau faes hyn. Bydd cyfrifoldebau penodol y swydd yn amrywio yn dibynnu ar ba dîm y lleolir deiliad y swydd ynddo, ond bydd bob amser yn cynnwys:

• darparu cymorth rheoli prosiect i reolwyr a swyddogion drwy sefydlu a gweithredu amserlenni tasgau a rheoli gweithrediadau cadarn;
• adolygu tystiolaeth yn erbyn meini prawf syml i helpu i wneud penderfyniadau;
• gweinyddu trefniadau cytundebol â chyflenwyr arbenigol a chontractwyr eraill;
• cefnogi gweithgarwch ymgysylltu â rhanddeiliaid mewnol ac allanol, megis hwyluso ar y cyd neu baratoi cyflwyniadau neu gynnal cyfweliadau strwythuredig i sgript a baratowyd ymlaen llaw;
• cadw cofnodion cywir;
• darparu gwasanaethau ysgrifenyddiaeth ar gyfer cyfarfodydd mewnol ac allanol.

Cyflog a buddion: Band 2 – £25,860 – £29,430 y flwyddyn. Yn ogystal â'r cyflog, rydym yn cynnig 30 diwrnod o wyliau blynyddol (yn ogystal â gwyliau cyhoeddus ac yn cau'r swyddfa am hyd at dri diwrnod dros y Nadolig), trefniadau gweithio hyblyg ac aelodaeth o Gynllun Pensiwn y Gwasanaeth Sifil.

Dyddiad cau ar gyfer ceisiadau: 7 Rhagfyr 2021 – hanner dydd

Cyfweliad: Wythnos yn dechrau 3 Ionawr 2022

Disgrifiad swydd llawn yma a sut i wneud cais yma.

Cynorthwyydd Swyddfa - Polisi a Diwygio Cymwysterau

Fel rhan o'r Gyfarwyddiaeth Polisi a Diwygio Cymwysterau, prif ddiben Cynorthwyydd Swyddfa yw darparu cymorth gweinyddol cyson, amserol ac o ansawdd uchel i'r tîm. Bydd deiliad y swydd yn cynllunio ac yn rheoli ystod o weithgareddau gweinyddol, gan sicrhau bod gwaith yn cael ei gyflwyno i safon uchel a'i gyflawni'n amserol. Bydd angen i ddeiliad y swydd feddu ar sgiliau cyfathrebu rhagorol a'r gallu i gyflawni tasgau amrywiol ar yr un pryd. 

Mae'r rôl hon yn cynnig cyfle i feithrin dealltwriaeth o'r sefydliad a meithrin ystod eang o sgiliau swyddfa. Rydym hefyd yn ymrwymedig i ddysgu a datblygu a byddwn yn darparu'r hyfforddiant perthnasol sy'n hanfodol ar gyfer y rôl ynghyd ag ystyried gofynion datblygu unigol.

Mae gennym ddau gyfle ar gael, un dros gyfnod mamolaeth am 9-12 mis ac un swydd wag barhaol. Mae'r ddau yn llawn amser ond anogir ceisiadau gan y rhai sydd â diddordeb mewn gweithio hyblyg, gan gynnwys patrymau gwaith Rhan-amser a thymor.

Rydym yn rhagweld y bydd cyfleoedd pellach yn ystod y 12 mis nesaf felly, os oes modd, hoffem greu rhestr wrth gefn o ymgeiswyr addas.

Cyflog a buddion: Band 1 £21,300 - £24630 y flwyddyn. Yn ogystal â'r cyflog, rydym yn cynnig 30 diwrnod o wyliau blynyddol (yn ogystal â gwyliau cyhoeddus ac yn cau'r swyddfa am hyd at dri diwrnod dros y Nadolig), trefniadau gweithio hyblyg ac aelodaeth o Gynllun Pensiwn y Gwasanaeth Sifil.

Dyddiad cau ar gyfer ceisiadau: Dydd Iau 9 Rhagfyr – hanner dydd

Cyfweliad: 7 a 11 Ionawr 2022

Disgrifiad swydd llawn yma a sut i wneud cais yma.